Sangam News National, International, Sports, Entertainment, covering all Aspect of News from Around the world
Related Articles
پاکستان کرکٹ بورڈ نے دوہزار انیس ورلڈ کپ کی کٹ کی تصاویر جاری کر دیں
مانچسٹر( تنویر کھٹانہ سے) پاکستانی شائقین کرکٹ کو دوہزار انیس کی ورلڈ کپ کٹ کا شدت سے انتظار تھا اور اس انتظار کی بے چینی کو بڑھانے میں پاکستان کرکٹ بورڈ بھی مسلسل اپنا کردار ادا کر رہا تھا۔ پی سی بی کے آفیشل سوشل میڈیا اکاؤنٹس گزشتہ کچھ دنوں سے انیس سے بانوے سے دوہزار پندرہ تک کے ورلڈکپ کٹس کی تصاویر شئیر کر رہے تھے جس سے دو ہزار انیس کی کٹ کی رونمائی کے لیے بے چینی شدت اختیار کر رہی تھی۔
پاکستان کرکٹ بورڈ نے آج اس انتظار کو ختم کرتے ہوئے اپنے آفیشل سوشل میڈیا اکاؤنٹس پر شرٹ اور کیپ کی تصاویر کر دی۔ جس کے بعد فینز اور صحافیوں کی جانب سے بھی اسے پسند کیا جا رہا ہے۔
📣📣📣As the Pakistan’s @cricketworlcup jersey is unveiled, send your good luck messages to the team! 🇵🇰#WeHaveWeWill pic.twitter.com/rvlMnH7svM
— Pakistan Cricket (@TheRealPCB) May 21, 2019
جاری کی گئی تصاویر میں دیکھا جا سکتا ہے کہ پاکستانی کرکٹ ٹیم کی کٹ گہرے ہرے رنگ کی ہے، جس میں جرسی پر بنا پیلا ستارہ بھی نمایاں ہے۔ کرکٹ بورڈ نے اس کے علاوہ ایک ویڈیو بھی جاری کیا ہے جس میں کھلاڑیوں کا ری ایکشن ریکارڈ کیا گیا جب انھوں نے پہلی بار کٹ دیکھی۔ ایک اور تصویر میں ڈریسنگ روم کی تصویر شئیر کی گئی ہے جس میں کھلاڑیوں کے نام اور شرٹ کی پشت کو دکھایا گیا ہے۔
سپورٹس جرنلسٹ زینب عباس نے بھی پاکستانی کٹ پر اپنا تبصرہ کرتے ہوئے کہا کہ یہ ایک خوبصورت کٹ ہے جس میں کوئی بھی ڈیزائن بلا مقصد نہیں ہے۔
The kit looks good!! Atleast no weird designs on top.. https://t.co/cazeG3YNV9
— zainab abbas (@ZAbbasOfficial) May 21, 2019
یاد رہے کرکٹ ورلڈ کپ دو ہزار انیس انگلینڈ اور ویلز میں تیس مئی سے چودہ جولائی تک کھیلا جا رہا ہے جس میں دنیا بھر سے دس ٹیمیں شرکت کر رہی ہیں۔ پاکستان اپنا پہلا میچ ویسٹ انڈیز کے خلاف اکتیس مئی کو ناٹنگھم میں کھیلے گا دوسرا میچ 3 جون کو میزبان انگلینڈ کے خلاف ناٹنگھم میں کھیلے گی، تیسرا میچ 7 جون کو سری لنکا کے خلاف برسٹول میں کھیلے گی۔
پاکستان ٹیم اپنا چوتھا میچ عالمی چمپئن آسٹریلیا کے خلاف ٹاؤنٹن میں کھیلے گی۔ کرکٹ کی دنیا کے روایتی حریف بھارت کے ساتھ پاکستان اپنا پانچواں ٹاکرا 16 جون کو مانچسٹر میں ہوگا۔
چھٹا میچ 23 جون کو جنوبی افریقہ کے خلاف لارڈز میں کھیلے گی، ساتواں میچ 26 جون کو نیوزی لینڈ کے خلاف برمنگھم میں کھیلے گی۔
آٹھواں میچ 29 جون کو افغانستان کے خلاف لیڈز کے مقام پر کھیلے گی، جب کہ نواں میچ بنگلہ دیش کے خلاف 5 جولائی کو لارڈز کے مقام پر کھیلے گی۔ یاد رہے کہ آسٹریلوی ٹیم اس ورلڈ کپ میں اپنے ٹائٹل کا دفاع کر رہی ہے۔
